Ла Лига раҳбари Хавьер Тебас "антимадридист" эмаслигини яна бир бор эслатди. Аввалроқ "Реал" раҳбари Флорентино Перес чемпионат президентига эътироз билдирганди.
"Одамлар мени антимадридист деб айблашади. Бу нотўғри, буни эшитиш менга ёқимсиз. Мен ҳам клубнинг бошқа мухлислари каби мадридистман. "Реал"га олти ёшимдан бери мухлислик қиламан. Улар "Сантьяго Бернабеу"га боришимни тақиқлаб қўйишлари мумкин, аммо бу клубга нисбатан болалигимдан бери ҳис қилиб келаётган туйғуларимга ҳеч қандай таъсир қилмайди," - дея Тебаснинг сўзларини келтиради испан ОАВ.
