La Liga rahbari Xavyer Tebas "antimadridist" emasligini yana bir bor eslatdi. Avvalroq "Real" rahbari Florentino Peres chempionat prezidentiga e’tiroz bildirgandi.
"Odamlar meni antimadridist deb ayblashadi. Bu noto‘g‘ri, buni eshitish menga yoqimsiz. Men ham klubning boshqa muxlislari kabi madridistman. "Real"ga olti yoshimdan beri muxlislik qilaman. Ular "Santyago Bernabeu"ga borishimni taqiqlab qo‘yishlari mumkin, ammo bu klubga nisbatan bolaligimdan beri his qilib kelayotgan tuyg‘ularimga hech qanday ta’sir qilmaydi," - deya Tebasning so‘zlarini keltiradi ispan OAV.
