"Арсенал" ҳимоячиси Рикардо Калафьори жамоасининг "Тоттенхэм" устидан қозонилган йирик ғалабаси (4:1) ҳақида фикр билдирди.
Италиялик футболчи якшанба кунги дербида 92 дақиқа ҳаракат қилиб, "канонирлар"нинг ишончли ғалабасига ҳисса қўшди.
"Ўйин давомида қандай ҳиссиётларни бошдан кечирганимни тасвирлай олмайман. Бу шунчаки ақл бовар қилмайдиган ҳолат. Қандай муҳит, қандай жамоа, қандай ўйин! Ичимизда ўша олов билан давом этамиз," - деб ёзди Калафьори ижтимоий тармоқда.
Учрашув қаҳрамони "шпорлар" дарвозасига хет-трик қайд этган Эберечи Эзе бўлди. Шунингдек, Леандро Троссард ўз ҳисобига гол ёздириб қўйди. Меҳмонларнинг ягона голига Ришарлисон муаллифлик қилди.
"Арсенал" Премьер-лига 12-туридан кейин 29 очко билан пешқадамлик қилмоқда ва "Челси"ни (23) ортда қолдирмоқда.
