Мадриднинг "Реал" клуби якшанба куни Ла Лига 13-турида "Эльче"га қарши баҳс олиб борди. Ўнг қанот ҳимоячиси Трент Александр-Арнольд беллашувнинг бошидан охиригача ўйнади, аммо "қаймоқранглилар"га ғалаба қозонишда ёрдам бера олмади (2:2). Opta хабарига кўра, инглиз ўйин давомида 25 марта тўпни йўқотди - бу "Реал"нинг жорий мавсумдаги антирекорди ва апрель ойидан бери энг юқори кўрсаткич (ўшанда Винисиус Жуниор Бильбаонинг "Атлетик" клубига қарши ўйинда 33 марта тўпни йўқотганди).
Трент Александр-Арнольд "қироллик клуби" сафига шу йил ёз бошида "Ливерпуль"дан кўчиб ўтганди. 27 ёшли футболчи барча мусобақаларда Хаби Алонсо жамоаси сафида 13 та учрашувда иккита ассистни амалга оширган.
