Сешанба оқшомида "Челси" Чемпионлар лигаси умумий босқич 5-тури доирасида "Барселона"ни қабул қилади. "Аристократлар" бош мураббийи Энцо Мареска 2006 йилда "Барселона"га УЕФА Суперкубогида гол урганини эслади.
"Ҳа, бу муҳим лаҳза эди. Бу менинг ҳаётимдаги энг осон гол бўлганини доим айтганман. Чунки 2:0 ҳисобида ғалаба қозонаётган эдик, пенальти эса ўйин охирида белгиланди. Ўшанда пенальти тепиш осон ва ёқимли эди, ҳозир эса бошқача. "Барселона" ақл бовар қилмайдиган жамоа, аммо биз ғалаба қозониш учун қўлимиздан келганини қиламиз," - деди Мареска матбуот анжуманида.
2006 йилда "Севилья" УЕФА Суперкубогида "Барселона"ни 3:0 ҳисобида мағлуб этганди. 89-дақиқада Энцо Мареска пенальтидан унумли фойдаланган.
