"Манчестер Сити" ҳимоячиси Йошко Гвардиол жамоанинг ўтган мавсумдаги муваффақиятсиз ўйини ҳақида гапирди.
"Бу фаолиятимдаги энг ёмон мавсум бўлди. У оғир эди. Ўтган мавсум давомида ечимлар топишга ва жамоага ёрдам беришга ҳаракат қилиб, ухлай олмаганимни эслайман. Баъзида ҳамма нарса кўнгилдагидек бўлмайди.
Ҳаммаси ортда қолганидан ва яхши тикланганимиздан хурсандман. Футболда яхши нарса шуки, ҳар уч кунда янги ўйин бўлади, бу эса икки кун олдин бўлган нарсаларни унутишга мажбур қилади. Бу янги мавсум ва ҳозир кийиниш хонасидаги вазият анча ўзгарган," - деди Гвардиол матбуот анжуманида.
25 ноябрь, сешанба куни "Манчестер Сити" Чемпионлар лигасида "Байер"ни қабул қилади.
