Мадриднинг "Реал" клуби дарвозабони Тибо Куртуа Европа Чемпионлар Лигаси умумий босқичидан ўрин олган Грециянинг "Олимпиакос" жамоасига қарши ўйинни ўтказиб юбориши мумкин. Бу ҳақда Cope хабар бермоқда.
Журналистларга маълум бўлишича, бельгиялик дарвозабон "қироллик клуби"нинг сўнгги машғулотида иштирок этмаган. Юлдуз футболчига гастроэнтерит ташхиси қўйилди. Куртуа бетоблиги туфайли эртанги учрашувда майдонга тушмаслиги мумкин.
"Олимпиакос" ва "Реал" ўртасидаги ўйин 26 ноябрь куни Грецияда бўлиб ўтади.
Чемпионлар лигаси умумий босқичининг 4 туридан сўнг Хаби Алонсо шогирдлари 9 очко билан 7-ўринни эгаллаб турибди.













