Мадриднинг "Реал" клуби жамоанинг биринчи рақамли футболчиси Тибо Куртуанинг соғлиғи юзасидан баёнот берди. Матбуотда бельгиялик посбонга гастроэнтерит ташхиси қўйилгани ҳақида маълумот пайдо бўлди.
"Тиббий кўрикдан сўнг Куртуада вирусли ошқозон-ичак инфекцияси аниқланди. Тибо Грецияга бормайди. У шифокорлар назоратида бўлади", - дейилади "қироллик клуби" хабарида.
Чемпионлар лигаси умумий босқичидан ўрин олган "Олимпиакос" - "Реал" учрашуви эртага, 26 ноябрь куни Грецияда бўлиб ўтади.













