"ПСЖ" ҳужумчиси Хвича Кварацхелия Чемпионлар лигаси умумий босқичининг 5-туридан ўрин олган "Тоттенхэм"га қарши ўйин ҳақида гапирди.
"Аввал бундай эмасдим, эътиборимни ҳужумга қаратганман. Лекин ҳар бир футболчи ҳимояга ҳисса қўшиши, ҳар бир ҳужумчи бунда иштирок этиши кераклигини тушундим. Бу борадаги кўрсаткичларимни мураббий орқали яхшилаб олдим ва бор кучимни 100 фоиз бераман. Бизда мавсум узоқ, кам дам оламиз. Бу биз учун оғир, жисмонан тикланиш осон эмас, аммо жамоа билан тўлиқ тайёрмиз, буни ҳар бир ўйинда кўрсатяпмиз. Ҳозир ўзимни жуда яхши ҳис қиляпман" - дея Кварацхелиянинг сўзларини келтиради Footmercato.
Жорий мавсумда футболчи клуб сафида барча мусобақаларда 15 та ўйинда майдонга тушиб, 3 та гол урди ва 4 та голли узатмани амалга оширди.
