"PSJ" hujumchisi Xvicha Kvarasxeliya Chempionlar ligasi umumiy bosqichining 5-turidan o‘rin olgan "Tottenxem"ga qarshi o‘yin haqida gapirdi.

"Avval bunday emasdim, e’tiborimni hujumga qaratganman. Lekin har bir futbolchi himoyaga hissa qo‘shishi, har bir hujumchi bunda ishtirok etishi kerakligini tushundim. Bu boradagi ko‘rsatkichlarimni murabbiy orqali yaxshilab oldim va bor kuchimni 100 foiz beraman. Bizda mavsum uzoq, kam dam olamiz. Bu biz uchun og‘ir, jismonan tiklanish oson emas, ammo jamoa bilan to‘liq tayyormiz, buni har bir o‘yinda ko‘rsatyapmiz. Hozir o‘zimni juda yaxshi his qilyapman" - deya Kvarasxeliyaning so‘zlarini keltiradi Footmercato.

Joriy mavsumda futbolchi klub safida barcha musobaqalarda 15 ta o‘yinda maydonga tushib, 3 ta gol urdi va 4 ta golli uzatmani amalga oshirdi.