"Челси" ҳужумчиси Лиам Делап "Барселона"га (3:0) қарши ўйиндан кейин интервью берди. 22 ёшли англиялик футболчи учрашувнинг 73-дақиқасида ўз ҳисобига гол ёздириб қўйди ва якуний натижани қайд этди.
"Челси" - ақл бовар қилмайдиган клуб, мен бу ерга шундай кечалар учун келганман. Ҳафта давомида астойдил ишладик, бунинг учун охир-оқибат мукофот олдик. Биз ҳаммасини уддаладик.
Гап жамоавий ишда. Мураббий ўз ёрдамчилари билан биз учун ишлаб чиққан ўйин режасига амал қилдик. Ҳамма қаттиқ меҳнат қилиб, майдонда ўз курашларини ютди. Биз ҳаммасини тўғри қилдик," - деди "кўклар" форварди Amazon Prime билан суҳбатда.
"Барселона" дарвозасига киритилган гол Лиам Делап учун Чемпионлар лигасидаги дебют бўлди.
