Лондоннинг "Челси" клуби Чемпионлар лигаси доирасида "Барселона" устидан йирик ҳисобда ғалаба қозонди (3:0). Ўйин бошланишидан олдин матбуотда бугунги кунда футболнинг асосий ёш истеъдодлари бўлган 18 ёшли Эстевао Виллиан ва Ламин Ямал ўртасидаги қарама-қаршилик фаол ёритилди. Бразилиялик футболчи гол уриб, учрашув қаҳрамонларидан бирига айланган бўлса, испаниялик футболчи ўзини кўрсата олмади.
"Эстевао ва Ямал - янги Месси ва Роналду? Мен бундай ўхшашликларни ўтказмаган бўлардим - бу бундай ёш футболчиларга босим ўтказади. Бундай даражага мос келиш жуда қийин.
Бу бутун жамоамиз, бутун клуб, мухлислар қатори Эстевао учун ҳам муҳим кеча бўлди. У "Арсенал"га қарши ўйинни асосий таркибда бошлайдими? Кўрамиз," - дея Маресканинг сўзларини келтиради BBC.
