Туркиянинг "Галатасарой" клуби бош мураббийи Окан Бурук Европа Чемпионлар лигасининг сўнгги учрашуви якунлари ҳақида фикр билдирди. Бельгиянинг "Юнион Сент-Жиллуаз" клуби билан кечган учрашув мезбонларнинг 0:1 ҳисобидаги мағлубияти билан якунланди.
"Ҳамма нарсани судьяга тўнкамаслик керак. Биз ўз хатоларимизни ҳам кўришимиз, кўплаб муаммоларни ҳисобга олишимиз керак. Ўйинчини захирадан тушира олмадик. Жакобснинг жароҳати бизга майдонда қийинчилик туғдирди. Ўриндиқда чап қанот ҳимоячимиз йўқ эди, фақат битта ўнг қанот футболчимиз бор эди. Биз ечим топишга ҳаракат қилдик.
Менимча, бу ҳужумда, ҳатто индивидуал тарзда ҳам креативлик кўрсатиш қийин бўлган кун бўлди. Рақибимиз яхши ҳимояланадиган жамоа, аммо улар юқори ҳимоявий кучни ушлаб туришар экан, биз ҳужумда самаралироқ бўлишимиз мумкин эди", деди Бурук
"Юнион" 6 очко билан 22-ўринда, "Галатасарой" 9 очко билан 11-ўринда бормоқда.
