"Атлетик" ярим ҳимоячиси Ойян Сансет "Барселона"га қарши ўйиндаги дисквалификацияси туфайли "Реал"га қарши майдонга тушмайди.
22 ноябрь куни "Атлетик" Ла Лига 13-тури доирасида "Камп Ноу"да "Барселона"га ютқазиб қўйди (0:4). 52-дақиқада Фермин Лопеснинг оёғига орқадан зарба бергани учун Сансет қизил карточка олди.
Испания Қироллик футбол федерациясининг мусобақалар бўйича қўмитаси Сансетни "қўпол ва спортга хос бўлмаган хатти-ҳаракати" учун жаримага тортди ва Ла Лиганинг иккита ўйинига дисквалификация қилди. Шу тариқа, ярим ҳимоячи 29 ноябрь ва 3 декабрь кунлари бўлиб ўтадиган "Леванте" ва "Реал"га қарши ўйинларни ўтказиб юборади.
Қайд этилишича, "Атлетик" қўмита қарори устидан апелляция бериш ҳуқуқига эга.
