27 ноябрга ўтар кечаси ЕЧЛ 5-туридан ўрин олган "Арсенал" - "Бавария" учрашуви бўлиб ўтади.
Старт ҳуштаги Тошкент вақти билан соат 01:00 да янграйди. Ўйинни италиялик Марко Гуида бошқариб боради.
Opta суперкомпьютери "Арсенал"ни ушбу қарама-қаршиликнинг фаворити деб ҳисоблади. Лондонликларнинг ғалаба қозониш эҳтимоли 44,1 фоиз, мюнхенликларнинг - 30,1 фоиз. Дуранг 25,7% деб баҳоланмоқда.
Жамоалар сўнгги бор Чемпионлар лигасининг 2023/24 йилги мавсуми чорак финалида тўқнаш келишганди. Ўшанда икки ўйин натижасига кўра "Бавария" кейинги босқичга чиққан - 2:2, 1:0.
Жорий мавсумда EЧЛда клублар тўрттадан ўйиннинг барчасида ғалаба қозониб, турнир жадвалида пешқадамлик қилмоқда: "Бавария" биринчи, "Арсенал" иккинчи ўринда.
