Сўнгги ҳафталарда матбуот Харри Кейнни "Барселона" билан боғлади. Инглиз каталонияликлар ҳужум чизиғида Роберт Левандовскининг ўрнини эгаллаши мумкинлиги ҳақида маълумотлар пайдо бўлди.
Transfer News Live нашрининг Sport Bild’га таяниб хабар беришича, "Барселона"нинг Кейнни ўз сафига қўшиб олишга уриниши муваффақиятсизликка учрайди. 32 ёшли форвард клубдаги мавқеи барқарорлиги, яхши формаси ва умумий вазият туфайли "Бавария"да қолишни истамоқда.
Харри Кейннинг "Бавария" билан амалдаги шартномаси 2026/2027 йилги мавсум охиригача мўлжалланган. Жорий мавсумда Кейн 18 та ўйинда 24 та гол урди. Transfermarkt портали Харрини 75 миллион еврога баҳоламоқда.













