«Пари Сен-Жермен» бош мураббийи Луис Энрике 2025/26-йилги мавсум якунлари бўйича «Олтин тўп»га даъвогар бўлиши мумкин бўлган футболчи ҳақидаги саволга жавоб берди ва ўз жамоасидан бир ўйинчини алоҳида таъкидлади.

«Витинья ҳар доимгидек ажойиб ўйнади. У кейинги «Олтин тўп» даъвогарими? Нима десам экан… Умид қиламанки, шундай бўлади», — дея Энрике сўзларини журналист ва инсайдер Фабрицио Романо X ижтимоий тармоғида келтирди.

Эслатиб ўтамиз, Чемпионлар Лигаси умумий босқичи 5-турида «Тоттенҳэм»га қарши ўйинда португалиялик Витинья хет-трик қайд этганди. Учрашув 5:3 ҳисоби билан якунланди. Жорий мавсумда Витинья барча мусобақаларда жамоа таркибида 25 та ўйинда майдонга тушиб, 6 та гол урди ва 10 та голли узатма муаллифи бўлди.