"ПСЖ" бош мураббийи Луис Энрике жамоанинг Чемпионлар Лигаси доирасидаги "Тоттенхэм"га (5:3) қарши ўйин ҳақидаги фикрлари билан ўртоқлашди.

"Биз характер кўрсатдик. Жуда оғир ўйин, қийин рақиб. "Тоттенхэм" - айниқса, биринчи бўлимда - ажойиб ўйнади ва барча ҳужумларимизни тўсди, ҳимояда ишончли ҳаракат қилди.

Витинья бутун жамоа билан бирга ўсиб бормоқда. У ўзига хос, ноёб ўйинчи. У учун жуда хурсандман, у бунга лойиқ эди," - деди Энрике УEФАга берган интервьюсида.

"ПСЖ" 12 очко билан жадвалда Лондоннинг "Арсенал"идан (15) кейин иккинчи ўринда бормоқда.