Италиянинг "Аталанта" клуби бош мураббийи Раффаэле Палладино Франкфуртнинг "Айнтрахт" жамоаси устидан қозонилган ғалабадан сўнг шогирдларига миннатдорчилик билдирди.
Европа Чемпионлар лигаси 5-туридан ўрин олган немис клуби билан учрашув 3:0 ҳисобида якунланди.
"Бундан яхшиси бўлиши мумкин эмас. Менга бўлган ишонч учун клубга, шунингдек, ходимларимизга, лекин биринчи навбатда футболчиларга раҳмат айтмоқчиман. Улар сўнгги бир неча кун давомида қандай шиддат билан ишлаганини кўрдим ва улар менга унутилмас тун совға қилишди", - дея Палладинонинг сўзларини келтиради Sky Sport Italia.
"Айнтрахт" устидан қозонилган ғалаба Палладино шогирдларига 10 очко билан мусобақа жадвалининг ўнинчи поғонасидан жой олиш имконини берди.
