Португалия терма жамоаси ва «Ан-Наср» клуби ҳужумчиси Криштиану Роналду WOWfc жанг промоушени ҳаммулкдорига айлангани ҳақида изоҳ берди.

«Қувонч билан муҳим янгиликни маълум қиламан: мен WOWfc акциядорларидан бирига айланаман! Биз мен чин дилдан ишонадиган қадриятларни биргаликда бўлишамиз: интизом, ҳурмат, матонат ва доимо мукаммалликка интилиш. WOWfc ўзига хос ва кучли платформа яратмоқда, ва мен бу лойиҳага қўшилаётганимдан фахрланаман. У спорт ривожига хизмат қилади ва келажак авлодни илҳомлантиради», — деб ёзди Роналду ўзининг X ижтимоий тармоқдаги саҳифасида.

Португалиялик юлдуз 2023 йилдан буён «Ан-Наср» сафида тўп сурмоқда. Унга энг катта шуҳрат «Манчестер Юнайтед» ва Мадриднинг «Реал» жамоаларидаги ўйинлари орқали келган. Роналду — “Олтин тўп” мукофотининг беш карра совриндори.