Сўнгги кунларда Мадриднинг "Реал" клуби раҳбарияти вакиллари кийиниш хонасида футболчилар билан бир неча бор мулоқот қилди, шунингдек, уларнинг айримлари билан телефон орқали суҳбатлашди. Бу "қаймоқранглилар" қароргоҳидаги муҳитнинг яхшиланишига олиб келди. Бу ҳақда AS хабар бермоқда.
Манбага кўра, "Реал" футболчилари сўнгги натижаларнинг яхши бўлмаганида айб биринчи навбатда ўзларида эканлигини тушунишади. "Қироллик клуби" футболчилари жамоа бош мураббийи Хаби Алонсо билан қарама-қаршилик қилиш бефойда эканини англаб етди.
Таъкидланишича, испаниялик мутахассис сўнгги кунларда футболчилар билан ҳам мулоқот қилган. Хусусан, Алонсо ҳужумчи Винисиус Жуниор шу пайтгача кўрганидан кўра кўпроқ қўллаб-қувватлов ва эътиборга лойиқ эканини тан олди.
