"Бавария"нинг ўнг қанот ҳимоячиси Саша Боэ келаси йил бошидаёқ Англия премьер-лигасида пайдо бўлиши мумкин.
Франциялик футболчини "Кристал Пэлас" ўз сафига қўшиб олмоқчи. Журналист Кристиан Фалкнинг маълум қилишича, Лондон клуби вакиллари аллақачон 25 ёшли футболчи билан алоқага чиққан. "Бавария" латерални январда тахминан 15 млн еврога сотишга тайёр.
Машҳур Transfermarkt портали Саша Боэнинг нархини бироз баландроқ 18 млн еврога баҳоламоқда.
Футболчи жорий мавсум Венсан Компани жамоасининг 14 ўйинида майдонга тушиб, 1 та голли узатмани амалга оширди. Аввалроқ, ҳимоячи "Ювентус" ва "Галатасарой"га ўтиши мумкинлиги ҳақида миш-мишлар тарқалган эди.













