"Челси" бош мураббийи Энцо Мареска жума кунги матбуот анжуманида Коул Палмер Премьер-лига доирасидаги "Арсенал"га қарши ўйинда асосий таркибда майдонга тушишга тайёрлигини маълум қилди.
Бу янгилик "Челси" мухлисларини хурсанд қилмай қўймайди, чунки аввалроқ Мареска дербигача Палмер тикланмаслигини айтганди.
Чов соҳаси билан боғлиқ муаммолар туфайли Коул Палмер 20 сентябрдан бери "Челси" ўйинларида иштирок этмади.
"Челси" ва "Арсенал" кузнинг сўнгги кунида тўқнаш келади. Старт ҳуштаги 30 ноябрь куни Тошкент вақти билан 21:30 да янграйди.













