"Chelsi" bosh murabbiyi Enso Mareska juma kungi matbuot anjumanida Koul Palmer Premyer-liga doirasidagi "Arsenal"ga qarshi o‘yinda asosiy tarkibda maydonga tushishga tayyorligini ma’lum qildi.
Bu yangilik "Chelsi" muxlislarini xursand qilmay qo‘ymaydi, chunki avvalroq Mareska derbigacha Palmer tiklanmasligini aytgandi.
Chov sohasi bilan bog‘liq muammolar tufayli Koul Palmer 20 sentyabrdan beri "Chelsi" o‘yinlarida ishtirok etmadi.
"Chelsi" va "Arsenal" kuzning so‘nggi kunida to‘qnash keladi. Start hushtagi 30 noyabr kuni Toshkent vaqti bilan 21:30 da yangraydi.













