"Челси" бош мураббийи Энцо Мареска ҳужумкор ярим ҳимоячи Коул Палмернинг сафга қайтиши ҳақида фикр билдирди. У икки ойдан ортиқ ўйнамади.

"Палмер биринчи дақиқаларданоқ майдонга тушиб, ўйнашга тайёр. У бизнинг энг яхши ўйинчимиз ва биз унинг қайтганидан хурсандмиз. У юз фоиз формага кириши учун унга вақт бериш керак. Ўтмишда у фантастик даражани кўрсатган. У "Челси" сафида яхши ўйин кўрсатишига шубҳа йўқ.

Унинг қайтганидан ҳаммамиз хурсандмиз. Энг муҳими, Коул бахтли - у ҳар куни машқ қилишни ва ўйнашни хоҳлайди", - деди Мареска матбуот анжуманида.

Якшанба куни "Челси" Премьер-лига доирасидаги "Арсенал"га қарши уй учрашувини ўтказади.