"Барселона" президенти Жоан Лапорта Мадриднинг "Реал" клуби ва Ла Лига раҳбари Хавьер Тебас ўртасидаги муносабатлар ҳақида гапирди.
"Қироллик клуби"да кўпинча Ла Лига раҳбарияти очиқчасига танқид қилинади, Тебаснинг ўзи эса болалигидан "Реал"га мухлислик қилганини бир неча бор тан олган.
"Тебас олижаноб инсон, у ўз иши билан яшайди. Ла Лига билан зиддиятга бораётган "Реал"дан фарқли ўлароқ, бизда нормал муносабатлар мавжуд. "Реал"дагилар Тебасни истеъфога чиқариш ва унинг ўрнига бошқа бировни тайинлаш билан овора", - дея "Барселона" президентининг сўзларини келтиради Managing Barca.
"Қаймоқранглилар" Испания чемпионатининг 13-туридан кейин турнир жадвалида пешқадамлик қилмоқда. "Кўк-анорранглилар" 1 очко ортда қолиб, 2-ўринни эгаллаб турибди.
