Ўтмишда машҳур бўлган англиялик футболчи Алан Смит Арне Слотнинг "Ливерпуль" бош мураббийлигини сақлаб қолиш имкониятлари ҳақида гапирди.
"Ажабланарлиси шундаки, кўплаб мухлислар ўз фикрини ўзгартирмоқда ва бу "Ливерпуль" мухлисларига ўхшамайди. Аммо ўйлайманки, ишонч кредити ҳали тугамаган, раҳбарият вазият яхшиланишига умид қилиб, Рождествогача кутади", - дея Смитнинг сўзларини келтиради Sky Sports.
Мерсисайдликлар барча турнирлардаги сўнгги ўн икки ўйиннинг тўққизтасида мағлуб бўлишди. Англия чемпионати турнир жадвалида "қизиллар" 18 очко билан 12-ўринни эгаллаб турибди.













