"Барселона" президенти Жоан Лапорта жамоа ҳимоячиси Рональд Араухонинг Чемпионлар лигасининг 5-турида "Челси" билан ўйинда қизил карточка олганидан сўнг унга бўлаётган танқидларга муносабат билдирди.

- Мен Араухони ҳимоя қилиб, уни қўллаб-қувватламоқчиман. У катта танқидларга учради ва бу адолатсизлик. У майдонда борини беради. У бизнинг етакчимиз. У бу даврни бошдан кечириши керак. Мен унга иккаламиз бирга ютамиз ва бирга ютқазамиз, дейман. Биз бир жамоамиз," - дея Лапортанинг сўзларини келтиради Barca Universal.

Эслатиб ўтамиз, ЕЧЛ умумий босқич 5-туридан ўрин олган учрашув сафарда "Барселона"нинг "Челси"га 0:3 ҳисобида мағлуб бўлиши билан якунланган эди. Каталонияликлар 44-дақиқадан бошлаб бир киши кам бўлиб ўйнади.