Мадриднинг "Атлетико" клуби бош мураббийи Диего Симеоне Испания чемпионатининг барча даврлардаги рекордига яқинлашди.
Шанба куни "матрасчилар" ўз уйида "Реал Овьедо"ни Александр Сёрлотнинг дубли эвазига мағлуб этишди (2:0). Энди Симеоненинг ҳисобида мураббий сифатида Ла Лига доирасида 323 та ғалаба бор - у бу кўрсаткич бўйича Мигель Муньосга етиб олди, дея хабар беради Opta. Рекордчи Луис Арагонес бўлиб қолмоқда - у 344 та ўйинда ғалаба қозонган.
Диего Симеоне "Атлетико"ни 2011 йил охирида қабул қилиб олганди. Айни дамда мадридликлар 31 очко билан турнир жадвалида учинчи ўринда бормоқда. Жамоа кейинги турда 2 декабрь куни амалдаги чемпион "Барселона" меҳмони бўлади.
