Madridning "Atletiko" klubi bosh murabbiyi Diyego Simeone Ispaniya chempionatining barcha davrlardagi rekordiga yaqinlashdi.

Shanba kuni "matraschilar" o‘z uyida "Real Ovyedo"ni Aleksandr Syorlotning dubli evaziga mag‘lub etishdi (2:0). Endi Simeonening hisobida murabbiy sifatida La Liga doirasida 323 ta g‘alaba bor - u bu ko‘rsatkich bo‘yicha Migel Munyosga yetib oldi, deya xabar beradi Opta. Rekordchi Luis Aragones bo‘lib qolmoqda - u 344 ta o‘yinda g‘alaba qozongan.

Diyego Simeone "Atletiko"ni 2011 yil oxirida qabul qilib olgandi. Ayni damda madridliklar 31 ochko bilan turnir jadvalida uchinchi o‘rinda bormoqda. Jamoa keyingi turda 2 dekabr kuni amaldagi chempion "Barselona" mehmoni bo‘ladi.