"Барселона"нинг бразилиялик ҳужумчиси Рафинья Диас Англия Премьер-лигасига кўчиб ўтиши мумкин.
Fichajes нашрининг таъкидлашича, "Барселона" келаси ёзда ўйинчини сотиб юборишни кўриб чиқса, "Ньюкасл" Рафиньяга пул тикишга тайёр. Манбага кўра, трансфер эҳтимоли ҳақиқатан ҳам мавжуд, чунки ёзда каталонияликлар молиявий муаммоларни ҳал қилиш учун катта юлдузлардан бирини сотиши керак бўлади. Таъкидланишича, чиқиш учун биринчи номзод айнан Рафинья бўлади.
Жорий мавсумда бразилиялик футболчи барча мусобақаларни қўшиб ҳисоблаганда ўнта ўйинда майдонга тушиб, учта гол урди ва ўз ҳисобига учта ассист ёздириб қўйди.
