Англиянинг "Тоттенхэм" клуби аллақачон қишки трансферлар учун рўйхатини шакллантирмоқда.
Манбага кўра, вингернинг позицияси Томас Франк клуб раҳбариятидан янги ижрочи сўраган жой ҳисобланади.
Бу позиция учун "шпорлар" скаутлари анчадан бери кузатиб келаётган 24 ёшли япониялик универсал ҳужумчи Такефуса Кубо фаворит бўлди. Кубога эгалик қилувчи "Реал Сосьедад" футболчини 52 миллион фунтга қўйиб юборишга тайёр, чунки уни Сан-Себастьян лойиҳасининг асосий активи сифатида кўрмоқда.
Бу мавсумда у барча турнирларда 11 та ўйинда майдонга тушди ва битта гол урди. Transfermarkt портали маълумотларига кўра, унинг нархи 30 миллион еврони ташкил этади.
