"Барселона" футболчиси Рафинья Диас жамоадошлари билан муносабатлари ҳақида гапирди.

Яқинда бразилиялик жароҳатини даволади, шанба куни эса сентябрь ойидан бери илк бор асосий таркибда майдонга тушди ва "кўк-анорранглилар"га "Алавес"ни (3:1) мағлуб этишга ёрдам бериб, голли узатмани амалга оширди.

"Баъзида мен жамоадошларимни ғазаблантираётгандек бўламан, лекин бу муҳимлигини ҳис қиламан. Ишончим комил бўлган футболчилардан кўпроқ нарсани талаб қиламан. Агар кийиниш хонасида ҳаммани шу тарзда асабийлаштирадиган одам бўлиши керак бўлса, унда мен айнан ўша одам бўлишга қарши эмасман," - дея Рафиньянинг сўзларини келтиради журналист Фабрицио Романо.