Испаниянинг "Барселона" клуби 2 декабрь куни "Камп Ноу" стадионида бўлиб ўтадиган Ла Лиганинг муҳим учрашуви - "Атлетико Мадрид"га қарши тайёргарликни якунлади. Аввалроқ тиззасидан жароҳат олган марказий ярим ҳимоячи Гавининг майдонда экани ОАВ эътиборни тортди.

Гави ҳозирда индивидуал реабилитация дастурини ўтамоқда, унинг ҳар бир қадами яқин келажакда тиззаси ўзини қандай ҳис қилишига боғлиқ. Унинг қўлтиқтаёқсиз қисқа муддат пайдо бўлиши тикланиш тўғри йўлда кетаётгани ҳақида яхши сигнал бўлди, деб ёзади sport.es.

Маълумки, шифокорлар келажакда тизза муаммоларининг жиддийлигини истисно қилиш учун менискни олиб ташлаш муолажаси ўрнига тикишга қарор қилишган. Гави февраль ойининг охири ёки март ойининг бошларида қайтиши мумкин.