Ispaniyaning "Barselona" klubi 2 dekabr kuni "Kamp Nou" stadionida bo‘lib o‘tadigan La Liganing muhim uchrashuvi - "Atletiko Madrid"ga qarshi tayyorgarlikni yakunladi. Avvalroq tizzasidan jarohat olgan markaziy yarim himoyachi Gavining maydonda ekani OAV e’tiborni tortdi.

Gavi hozirda individual reabilitasiya dasturini o‘tamoqda, uning har bir qadami yaqin kelajakda tizzasi o‘zini qanday his qilishiga bog‘liq. Uning qo‘ltiqtayoqsiz qisqa muddat paydo bo‘lishi tiklanish to‘g‘ri yo‘lda ketayotgani haqida yaxshi signal bo‘ldi, deb yozadi sport.es.

Ma’lumki, shifokorlar kelajakda tizza muammolarining jiddiyligini istisno qilish uchun meniskni olib tashlash muolajasi o‘rniga tikishga qaror qilishgan. Gavi fevral oyining oxiri yoki mart oyining boshlarida qaytishi mumkin.