Англия футбол лигаси (EFL) матбуот хизмати Чемпионшипда иштирок этаётган "Шеффилд Уэнсдей"дан яна 6 очко олиб ташланганини маълум қилди.
Аввалроқ жамоа 12 очкога жаримага тортилганди. Энди у -10 очко билан турнир жадвалининг сўнгги поғонасида бормоқда.
Аввалроқ "Шеффилд Уэнсдей" хўжайини Дэйфон Чансири кредиторлар босими туфайли клубни ташқи бошқарувга топширишга қарор қилганди. 2025/26 йилги мавсум бошланишидан бир ҳафта олдин футболчилар маошлари тўланмаганини маълум қилишди.
EFL'да очколарни олиб ташлаш бўйича навбатдаги қарор молиявий мажбуриятлар бўйича кўплаб лига қоидабузарликлари билан боғлиқ эди. Шу билан бирга, Чансири уч йил муддатга ҳар қандай EFL клуби эгаси ёки директори бўлиш ҳуқуқидан маҳрум қилинди.
Лига ўз баёнотида жамоага бошқа жарима очколарини қўллашни режалаштирмаётганини таъкидлади.
