Испаниялик журналист Матиас Пратс "Реал" бош мураббийи Хаби Алонсонинг келажаги ҳақида фикр билдирди.
"Реал" Ла Лигада қаторасига учта ўйинда ғалаба қозона олмаяпти. Бу ўйинларнинг барчаси дуранг натижа билан якунланди. "Қаймоқранглилар" ўзининг сўнгги ўйинида Испания чемпионатининг 14-турида "Жирона" (1:1) билан дуранг ўйнади.
"Вазиятни бўрттириб юбормасдан айтаман, Алонсони олдинда ўн кунлик иш кутмоқда," - дея Пратснинг сўзларини келтиради Marca.
"Реал" кейинги ўн кун ичида Испания чемпионатида "Атлетик" ва "Сельта", Чемпионлар лигасида "Манчестер Сити" билан ўйнаши керак.
Айни вақтда "Реал" Ла Лигада пешқадам "Барселона"дан 1 очко ортда қолиб, 2-ўринда бормоқда. Чемпионлар лигасида жамоа бешинчи ўринни эгаллаб турибди.
