"Ювентус" бош мураббийи Лучано Спаллетти ҳужумчи Душан Влаховичнинг тикланиш муддатлари ҳақида маълумот берди.
Влахович Италия чемпионатининг 13-туридан ўрин олган "Кальяри"га (2:1) қарши ўйинда туринликларнинг асосий таркибига киритилди, бироқ жароҳат олиб, 31-дақиқадаёқ майдонни тарк этишга мажбур бўлди.
- Влаховичнинг тикланиш вақти? Ўйлайманки, у икки ёки уч ойдан кейин қайтади, аммо кейинроқ шифокорлар аниқроқ айтишади," - дея Спаллеттининг сўзларини келтиради журналист Николо Скира.
Жорий мавсумда 25 ёшли Влахович барча турнирларни қўшиб ҳисоблаганда 17 та учрашувда майдонга тушиб, олти марта рақиблар дарвозасини ишғол қилди ва иккита ассист муаллифига айланди.
