Франкфуртнинг "Айнтрахт" клуби ҳимоячиси Натаниэл Браун Германия Бундеслигасини Испания чемпионатига ўзгартириши мумкин, унинг хизматларига Мадриднинг "Реал" клуби қизиқиш билдирмоқда.

Sky Sport Germany журналистлари тарқатган хабарга кўра "қироллик клуби" 22 ёшли футболчининг трансферини 2026 йилнинг ёзида расмийлаштиришни режалаштирмоқда. Немислар ҳимоячини 60-70 миллион еврога баҳоламоқда. Браун "Айнтрахт" билан 2030 йил ўрталарига қадар шартнома мажбуриятлари билан боғланган.

2025/26-йилги мавсумда Натаниэл 18 та жангда қатнашиб, битта гол ва учта голли узатмани ўз ҳисобига ёздириб қўйди.