"Барселона"нинг польшалик ҳужумчиси Роберт Левандовски клубда қолишга тайёр. Бу ҳақда Diario SPORT хабар бермоқда.
Манбага кўра, Левандовски клуб раҳбариятига кейинги мавсумда ҳам "Барселона" сафида тўп тепишга тайёрлигини билдирган. Бунинг учун футболчи маошининг пасайишига рози бўлади. Бундан ташқари, у клубда камроқ аҳамиятга эга бўлишга рози. Таъкидланишича, "Барселона" босслари январдан олдин қарор қабул қилмоқчи эмас.
Жорий мавсумда 37 ёшли Левандовски барча мусобақаларда 16 та ўйинда майдонга тушиб, 8 та гол урди ва 1 та голли узатмани ўз ҳисобига ёздириб қўйди. Ҳужумчининг "кўк-анорранглилар" билан шартномаси ёзгача мўлжалланган.
