Дортмунднинг "Боруссия" клуби португалиялик форварди Фабиу Силва жамоани тарк этиши ҳақида сўнгги вақтларда турли ОАВларда хабарлар тарқалганди.
Footboom хабарига кўра, клуб аллақачон Силванинг агентлари билан музокаралар олиб борган ва январь ойидаги трансфер ойнасида футболчидан қутулмоқчи эмас. Аввалроқ, футболчининг хизматларига Италиянинг "Рома" клуби қизиқиш билдираётгани маълум бўлганди.
Силва дортмундликлар сафига ўтган ёзда Англиянинг "Вулверхэмптон" клубидан 22,5 миллион евро эвазига келиб қўшилганди. У жорий мавсум клуб миқёсида 12 та ўйинда майдонга тушди ва 1 та гол ҳамда 2 та голли узатмага муаллифлик қилди.
