Мадриднинг "Реал" клуби ва Нидерландия терма жамоасининг собиқ футболчиси Уэсли Снейдер Ла Лига 10-тури доирасидаги "Барселона"га (2:1) қарши ўйинда жамоа бош мураббийи Хаби Алонсо ва "қаймоқранглилар" ҳужумчиси Винисиус Жуниор ўртасидаги зиддиятга изоҳ берди.
"Агар сен яхши мураббий бўлсанг, буни қандай енгишни биласан. Албатта, бу ёқимсиз, чунки ҳамма бу реакцияни кўрди, лекин бу вазияни қандай енгиб ўтишинг муҳим. Адашмасам, воқеадан сўнг Винисиус захира ўриндиғига қайтди. У йигитлар билан ғалабани нишонлади. Менимча, бунинг маъноси бор. Сен унга: "Вини, эшит. Бу нормал эмас, ўзинг биласан-ку. Бошқа ҳеч қачон бундай қилма. Сенга тўлиқ ишонаман, лекин баъзида сени ўйиндан олишимга тўғри келади." Винисиус бундай вазиятларни муносиб қабул қилиши керак. Бундан қувониш мумкин, қувонмаслик мумкин, лекин бундай муносабатда бўлиш керак эмас," - дея Снейдернинг сўзларини келтиради Marca.
