Осиё Кубоги–2026 финал босқичига тайёргарлик кўраётган Ўзбекистон миллий терма жамоаси декабрь ойидаги ФИФА кунларидан унумли фойдаланиб, жаҳоннинг энг кучли футзал жамоаларидан бири — дунё рейтингида 5-ўриндан жой олган Россия терма жамоасига қарши иккита халқаро ўртоқлик учрашуви ўтказади.
Томонларнинг келишувига кўра, ҳар икки баҳс ҳам қадимий ва навқирон Бухоро шаҳридаги "Универсал" спорт мажмуасида бўлиб ўтади.
Мазкур ўйинлар иккала терма жамоа учун ҳам муҳим аҳамиятга эга:
Ўзбекистон терма жамоаси Осиё Кубоги баҳслари ўтказиладиган майдон қопламасига мослашиш баробарида, кучли рақибга қарши ўз тайёргарлиги ва имкониятларини синовдан ўтказиб олади.
Россия терма жамоаси эса ФИФА рейтингидаги мавқеини мустаҳкамлаш мақсадида кучли рақиб билан беллашиб, тўплаган очколарини тасдиқлаб бориши лозим.
Ўзбекистон – Россия халқаро ўртоқлик учрашувлари:
19- ва 21 декабрь
Соат: 17:00
