Osiyo Kubogi–2026 final bosqichiga tayyorgarlik ko‘rayotgan O‘zbekiston milliy terma jamoasi dekabr oyidagi FIFA kunlaridan unumli foydalanib, jahonning eng kuchli futzal jamoalaridan biri — dunyo reytingida 5-o‘rindan joy olgan Rossiya terma jamoasiga qarshi ikkita xalqaro o‘rtoqlik uchrashuvi o‘tkazadi.
Tomonlarning kelishuviga ko‘ra, har ikki bahs ham qadimiy va navqiron Buxoro shahridagi "Universal" sport majmuasida bo‘lib o‘tadi.
Mazkur o‘yinlar ikkala terma jamoa uchun ham muhim ahamiyatga ega:
O‘zbekiston terma jamoasi Osiyo Kubogi bahslari o‘tkaziladigan maydon qoplamasiga moslashish barobarida, kuchli raqibga qarshi o‘z tayyorgarligi va imkoniyatlarini sinovdan o‘tkazib oladi.
Rossiya terma jamoasi esa FIFA reytingidagi mavqeini mustahkamlash maqsadida kuchli raqib bilan bellashib, to‘plagan ochkolarini tasdiqlab borishi lozim.
O‘zbekiston – Rossiya xalqaro o‘rtoqlik uchrashuvlari:
19- va 21 dekabr
Soat: 17:00
