Мадриднинг «Реал» жамоаси Испания Ла лигасининг 19-туридан ўрин олган «Атлетик» клубига қарши сафардаги баҳсда 3:0 ҳисобида ғалаба қозонди. Уйиндан сўнг бош мураббий Хаби Алонсо жамоанинг иштироки ва Мбаппенинг ўйини ҳақида фикр билдирди.

«Бу муҳим учрашув эди. Ла Лигадаги дуранглар сериясини узишни истадик. Меҳнат ва тайёргарлик билан келдик, совуққонликни сақладик. Жамоа мақсадли ўйин намойиш этди. Бу бизнинг энг мукаммал ўйинимиз бўлди ва бундан кейин ҳам шу руҳда давом этишимиз керак», — деди Алонсо.

Шу билан бирга, мураббий Килиан Мбаппени ҳам алоҳида таъкидлади:

«Килиан ҳозир жуда яхши формада — кўп ҳаракат қилади, Винисиус билан ажойиб ҳамкорлик қилади. Жамоа бошиданоқ ғалаба учун майдонга тушди. Бу сафарда ғалаба қозониш жуда муҳим эди».

Ҳозирда «Реал» 36 очко билан Ла Лига жадвалида 2-ўринда бормоқда ва етакчи «Барселона»дан бир очко орқада қолган. Кейинги турда жамоа 7 декабрь куни «Сельта»ни қабул қилади.