"Челси" устози Энцо Мареска жамоадан ҳар бир ўйинда ажойиб ўйин кутмасликка чақирмоқда.
Чоршанба куни "кўклар" "Лидс"га ютқазди (1:3). "Товуслар" билан ўйин олдидан лондонликлар "Барселона" (3:0) ва "Арсенал" (1:1) билан баҳслардаги ўйинлари учун кўплаб мақтовларга сазовор бўлишди.
"Биз ҳар доим ҳам "Барселона" ва "Арсенал" билан ўйинлардаги каби ўйнай олмаймиз. Бизда ҳар икки-уч кунда ўйнай олмайдиган футболчилар бор. Булар қаторига Рис Жеймс ва Уэсли Фофана киради - бизда уларни ҳар сафар майдонга тушириш имконияти йўқ", - деди италиялик мураббий мағлубиятдан кейин берган интервьюсида.
"Челси" Премьер-лига жадвалида тўртинчи ўринда бормоқда. Мареска жамоаси шанба куни "Борнмут"га қарши майдонга тушади.
