Мадриднинг "Реал" клуби ҳужумчиси Килиан Мбаппе Испания чемпионатининг 19-туридан ўрин олган "Атлетик"ка қарши ўйинда икки бор рақиб дарвозасини ишғол қилди.
Ўйинда "қаймоқранглилар" 3:0 ҳисобида ғалаба қозонди. Учта голдан иккитасини Килиан Мбаппе ўз ҳисобига ёздириб қўйди. Мбаппе учун ушбу дубль унинг жорий мавсумдаги бешинчи дубли бўлди. Умуман олганда, Мбаппе барча мусобақаларда 20 та учрашувда 25 та гол урган ва 3 та голли узатмани амалга оширган.
Агар фақат Ла Лига ҳақида гапирадиган бўлсак, у ерда форварднинг 16 та голи бор. Бундай кўрсаткичлар билан у тўпурарлар рўйхатида етакчилик қилмоқда.
