Мюнхеннинг "Бавария" клуби бош мураббийи Венсан Компани келажакда "Манчестер Сити"да ишлаши мумкинлиги ҳақидаги маълумотларга муносабат билдирди. ОАВда айнан Компани Хосеп Гвардиоланинг ўринбосари бўлиши мумкинлиги ҳақида миш-мишлар тарқалмоқда.
"Футболда ҳеч қачон узоқни ўйламаслик керак. Ҳозир 100 фоиз эътиборимни "Бавария"га қаратганман. Мен шунчаки ҳозирги кун билан яшашни истайман. Бошқа нарсалар ҳақида фикрим йўқ," - дея Компани сўзларини келтиради журналист Фабрицио Романо.
Компани "Бавария"ни 2024 йилнинг ёзида қабул қилиб олганди. Айни вақтда жамоа 12 турда 34 очко тўплаган ҳолда Бундеслигада пешқадамлик қилмоқда.
