Миланнинг "Интер" клуби бош мураббийи Кристиан Киву Италия кубоги 1/8 финалидан ўрин олган "Венеция"га қарши ўйиндан сўнг ўз фикрларини билдириб ўтди. Ўйин 5:1 ҳисобида якунланди.
"Яхши нарсалар рўйхати етарлича узун. Рақибга бўлган муносабат, ҳурмат менга ёқди. Бу мотивацияга эга ва сўнгги ойларда қилинган ишларни ривожлантиришни хоҳлайдиган жамоа", - дея "нерадзуррилар" устозининг сўзларини келтиради Sport Mediaset.
"Мен ўйиндан мамнунман. 90 дақиқа ўйнаб, гол урган Диуф учун ҳам хурсандман. Бугун жуда кўп ижобий лаҳзалар бўлди, мен улар билан фахрланаман."
Мусобақанинг кейинги босқичида "Интер" "Рома" - "Торино" жуфтлиги ғолиби билан тўқнаш келади.
