"Челси" азалий рақиби билан "Барселона" етакчиси трансфери учун курашишга тайёр.
CaughtOffside нашри манбаларининг маълум қилишича, "кўклар" вакиллари Марк Касадо учун 35 миллион евролик таклиф тайёрлашган, аммо улар "Арсенал" томонидан рақобатга учраши мумкин.
Аввалроқ, 22 ёшли Касадо келаси йили "Барса"ни тарк этиши мумкинлиги ҳақида хабарлар тарқалган эди. Унинг клуб билан амалдаги шартномаси 2028 йилнинг июнь ойи охиригача мўлжалланган. Transfermarkt сайтида унинг нархи 30 миллион еврога баҳоланмоқда.
Бу мавсумда Марк Касадо "Барселона" сафида барча мусобақаларда 15 та ўйинда майдонга тушиб, битта голли узатмани амалга оширди.
